Киев – Украина башкаласында бүген вакытыннан алда мэр һәм шәһәр шурасы депутатларын сайлау үтә.
Мэр урынына 70 кеше дәгъва итә. Шәһәр шурасындагы урыннар өчен 37 партия һәм блок көрәшә.
Шәһәр башлыгы урыны өчен төп көрәш хәзерге мэр Леонид Черновицкий белән боксер Виталий Кличко арасында барыр дип көтелә. Кличко 2006 елда бу урынга дәгъва иткән иде инде.
Украина премьер-министры Юлия Тимошенко икенче намзәт – вице-премьер Александр Турчиновны хуплый.
