--------------------------------------------------------------------------------------------
►Qazanda islam finansları seminärı uzaçaq
5-6 yün könnärendä Qazanda berençe "Islam finansları: bankçılıq häm iminiät” isemle berençe xalıqara seminär uzaçaq.
Seminärnı oyıştıruda Islam belem birü häm tikşerenülär institutı qatnaşa. Bu institut Islam üseş banqı törkemenä kerä. Şulay uq Rusiä islam universitetı häm “Linova” atlı innovasia-finans törkeme dä anı oyıştıruda qatnaşa. Çığış yasawçılar arasında soğud ğäräbe Möxämmät Çapra, malayziäle Sudin bin Xayro, boşnaq Säyet Möxib belän bergä ber tatar da bar. Ul - Mäskäwdä yäşäwçe yäş xoquq ğälime, islami iqtisda belgeçe Renat Bäkkin.
Bilgele bulğança, 2007 yılda Tatarstan prezidentı Miñtimer Şäymiev Islam üseş banqı räise Äxmät Möxämmäd Ali belän oçraşqan ide. Oçraşu näticäsendä Islam üseş banqı ximayase astında xalıqara investisia cıyılışın Tatarstanda uzdıru qarar birelgän ide. Bu ğäräp dönyası biznesmennarı Tatarstan belän yaqınnanraq tanışsın, anıñ niçek yäşäwen kürä alsın öçen, dip eşlänelä. "Islam illäre eşmäkärläre Tatarstan cire, anıñ iqtisadi mömkinlekläre, xalqı belän yaqınnan tanışuın, uñışlı xezmättäşleklär urnaştıruın telim", - dip uzğan yılnı Äxmät Möxämmäd Ali beldergän ide.
Bu planlaştırğan yatırım-investisia konferensiase 9-12 yün könnärendä Qazanda yasala. "Islam finansları: bankçılıq häm iminiät” seminärı isä şunıñ aldınnan oyıştırıla.
--------------------------------------------------------------------------------------------
►Qazan öçen xodaydan sorap doğa qılınaçaq
Maynıñ soñğı köne 2013 yılğı dönya külämendäge Uniwersiadanıñ qayda ütäçägen açıqlayaçaq.
“Millät öçen, däwlät öçen, tuğan cir öçen faydağa bulğan çaralar öçen, älbättä bez doğa qılırğa tiyeşbez. Xäyerlegä bulsın, faydağa bulsın dip”,-dide Qol Şärif mäçete imamı Röstäm xäzrät Zinnurov. 30 may könne bulaçaq comğa namazında Qazannıñ Qol Şärif häm Märcäni mäçetlärendä Tatarstan başqalası 2013 yılğı cäyge Uniwersiadanı ütkärüdä ciñsen öçen xodaydan sorayaçaqlar. Röstäm xäzrät äytüençä, Qol Şäriftä älegä qädär mondıy xäl bulmağan.
Qazan başlığı İlsur Metşin Bryüsselgä FISUnıñ baş fatirına kiter aldınnan barlıq din wäkilläre: möselmannar, pravaslawlar, katoliklar häm yähüdilär Qazan öçen doğa qılaçaq, dip belderde. Xalıq fikeren beleşü kürsätkänçä, başqalanıñ 90 prosentı Uniwersiada yaqlı. 500 meñnän artıq keşe älege çara öçen üz öleşen kertergä äzer.
28 may kiçendä Rusiä häm Tatarstan räsmiläre Bryüsselgä kitä. Öç qala İspanianeñ Vigo, Könyaq Koreyänıñ Guañ Ju häm Qazan arasında bäyge 31 may kiçenä qädär baraçaq. Ciñüçe Qazan waqıtı belän kiçke 10 da bilgele bulır dip kötelä.
Aña qädär härkem üzen täqdim itäçäk. 30 may könne Bryüsselneñ “LE PLAZA” qunaqxanäsendä nämzät şähärlär turında mäğlümati taqtalar quyılaçaq. 31 may könne härkem üzen täqdim itäçäk häm prezentasia tasmaları da kürsäteläçäk. Bu çara häm studentlar sportı Xalıqara federasiaseneñ başqarma komitetı utırışı tögällängäç, tawış birü ütkärelä. Häm 2013 yılğı cäyge Uniwersiadanı ütkärüdä kem ciñgänlege iğlan iteläçäk.
FISU bäyäläw törkeme 16-17 mayda Qazan belän tanışqan ide.
--------------------------------------------------------------------------------------------
►Tatarstan parlamentında fetnä omtılışına 10 yıl tuldı
Monnan 10 yıl elek 28 may könne Tatarstan Däwlät şurasınıñ plenar utırışında yaña spiker saylaw tiräsendä qızu bäxäslär, xätta säyäsi köräş häm qarşılıqlı wäzğeyät tudı.
Bu waqıyğa turında xäzer berkem dä berni dä söylämi. Ğädi säyäsättän yıraqtağı ğädi keşelär ul waqıyğalarnı belmi, ä belüçelär häm respublika elitasınıñ wäkilläre bu xaqta söyläşergä cörät itmilär. Nindi dä bulsa xata cibärüdän qurqıp, yäisä kemneñder käyefen bozarğa şürläp, endäşmi toralar. Säyäsi elita häm apparat dairälärendä bu turıda süz quyırtmaw iñ töple ğämäl bulıp sanala. 1998 yılda parlament ikegä bülengännän soñ, xällär üzgärep, kiçäge oppozisia wäkilläreneñ qayberläre bügenge xakimiat yağında, qayberäwlär zur ğına urınnarda eşläp yöri, ikençeläre qayadır kitep yuğalğan. Kemneñder yarasına toz sibü dä kileşmi.
--------------------------------------------------------------------------------------------
►Däwlät proektları baylarnı tağı da bayraq itäme?
“Bezneñ gäcit”: Samarda benzin Qazandağıdan arzanraq, däwlät proektları rişwätçelekne arttıra häm tatar-törek litseyları ğawğası qıza bara.
"Bezneñ gäcit"neñ yaña 21nçe sanında respublika rayonnarında cäyelgän rişwätçelek turında zur mäqälä basılğan. Eçke eşlär ministrlığı xezmätkäre Nail Waxitov äzerlägän bu yazmada, Balıq bistäse rayonındağı xällär bäyän itelä.
“2010 yılğa qädär awılnıñ sosial' üseşe” däwlät proektı nigezendä barğan programma belän däwlät aqçaları çınnan da toraq xälen yaxşırtuğa mohtac keşelärgä birelgänme? Tikşerüçelär, däwlät aqçalarınıñ, rayondağı ber türägä, anıñ böten tuğannarına, anıñ duslarına älegüen açıqlağan.
Türä üze 280 meñ alğan bulsa, başqa tuğannarına 500 häm 600 meñnän artıq aqça bülep birü turında kiräkle qäğäzlärgä qul quyğan. Şulay uq, rayon türäse üze oyıştırğan şirkät wäkillärenä dä yärdämgä mohtac awıl xezmätçännäre dip däwlättän aqça alırğa yärdäm itkän.
Qazannan kilgän tikşerüçelär, aqçalarnıñ niçek totılğanın tikşerergä totınğaç, şul xätle ersezlek belän başqarğan eşkä aptırap kitä. Ul qanun taläpläre belän isäpläşep tormağan. Ber urta qul türäneñ xilaflığın niçek rayon başlığı kürmi qalğan, niçek aqça aluçılar isemlegendä ber ük familialärneñ buluına Qazanda, awıl xucalığı ministrlığında küz yömğannar, digän sorawlar quya mäqälä autorı.
Samar ölkäsendä benzin Tatarstannıqınnan küpkä arzanraq, ämma sıyfatı Tatarstannıqınnan qaytışraq ikän. Tolyäti şähärendä hawada ğaz ise kilä, çit il maşinaları bik siräk oçrıy. Andağı qızlar çäçäk kebek kienep yörmi, “neformal” bulıp kürenergä tırışa di, mäqälä autorı Älwira Fatıyxowa. Ä menä Tolyäti tatarlarınıñ ber-bersenä mönäsäbäte tuğanlarça, cılı, yärdämçel, di “Bezneñ gäcit” xäbärçese.
Şulay uq, “Bezneñ gäcit”neñ bu sanında da “Azatlıq” radiosında çıqqan iñ aktual' mäqälälär dä urın alğan. Alar arasında tatar-törek litseyları tiräsendäge xäl xaqında täfsille, xislärgä bay yazma basılğan.
“Bezneñ gäcit”tä basılğan yazmalar belän yaqınnanraq itep säxifäneñ internettağı säxifäsendä tanışıp bula. www.beznen.ru
►Qazanda islam finansları seminärı uzaçaq
5-6 yün könnärendä Qazanda berençe "Islam finansları: bankçılıq häm iminiät” isemle berençe xalıqara seminär uzaçaq.
Seminärnı oyıştıruda Islam belem birü häm tikşerenülär institutı qatnaşa. Bu institut Islam üseş banqı törkemenä kerä. Şulay uq Rusiä islam universitetı häm “Linova” atlı innovasia-finans törkeme dä anı oyıştıruda qatnaşa. Çığış yasawçılar arasında soğud ğäräbe Möxämmät Çapra, malayziäle Sudin bin Xayro, boşnaq Säyet Möxib belän bergä ber tatar da bar. Ul - Mäskäwdä yäşäwçe yäş xoquq ğälime, islami iqtisda belgeçe Renat Bäkkin.
Bilgele bulğança, 2007 yılda Tatarstan prezidentı Miñtimer Şäymiev Islam üseş banqı räise Äxmät Möxämmäd Ali belän oçraşqan ide. Oçraşu näticäsendä Islam üseş banqı ximayase astında xalıqara investisia cıyılışın Tatarstanda uzdıru qarar birelgän ide. Bu ğäräp dönyası biznesmennarı Tatarstan belän yaqınnanraq tanışsın, anıñ niçek yäşäwen kürä alsın öçen, dip eşlänelä. "Islam illäre eşmäkärläre Tatarstan cire, anıñ iqtisadi mömkinlekläre, xalqı belän yaqınnan tanışuın, uñışlı xezmättäşleklär urnaştıruın telim", - dip uzğan yılnı Äxmät Möxämmäd Ali beldergän ide.
Bu planlaştırğan yatırım-investisia konferensiase 9-12 yün könnärendä Qazanda yasala. "Islam finansları: bankçılıq häm iminiät” seminärı isä şunıñ aldınnan oyıştırıla.
--------------------------------------------------------------------------------------------
►Qazan öçen xodaydan sorap doğa qılınaçaq
Maynıñ soñğı köne 2013 yılğı dönya külämendäge Uniwersiadanıñ qayda ütäçägen açıqlayaçaq.
“Millät öçen, däwlät öçen, tuğan cir öçen faydağa bulğan çaralar öçen, älbättä bez doğa qılırğa tiyeşbez. Xäyerlegä bulsın, faydağa bulsın dip”,-dide Qol Şärif mäçete imamı Röstäm xäzrät Zinnurov. 30 may könne bulaçaq comğa namazında Qazannıñ Qol Şärif häm Märcäni mäçetlärendä Tatarstan başqalası 2013 yılğı cäyge Uniwersiadanı ütkärüdä ciñsen öçen xodaydan sorayaçaqlar. Röstäm xäzrät äytüençä, Qol Şäriftä älegä qädär mondıy xäl bulmağan.
Qazan başlığı İlsur Metşin Bryüsselgä FISUnıñ baş fatirına kiter aldınnan barlıq din wäkilläre: möselmannar, pravaslawlar, katoliklar häm yähüdilär Qazan öçen doğa qılaçaq, dip belderde. Xalıq fikeren beleşü kürsätkänçä, başqalanıñ 90 prosentı Uniwersiada yaqlı. 500 meñnän artıq keşe älege çara öçen üz öleşen kertergä äzer.
28 may kiçendä Rusiä häm Tatarstan räsmiläre Bryüsselgä kitä. Öç qala İspanianeñ Vigo, Könyaq Koreyänıñ Guañ Ju häm Qazan arasında bäyge 31 may kiçenä qädär baraçaq. Ciñüçe Qazan waqıtı belän kiçke 10 da bilgele bulır dip kötelä.
Aña qädär härkem üzen täqdim itäçäk. 30 may könne Bryüsselneñ “LE PLAZA” qunaqxanäsendä nämzät şähärlär turında mäğlümati taqtalar quyılaçaq. 31 may könne härkem üzen täqdim itäçäk häm prezentasia tasmaları da kürsäteläçäk. Bu çara häm studentlar sportı Xalıqara federasiaseneñ başqarma komitetı utırışı tögällängäç, tawış birü ütkärelä. Häm 2013 yılğı cäyge Uniwersiadanı ütkärüdä kem ciñgänlege iğlan iteläçäk.
FISU bäyäläw törkeme 16-17 mayda Qazan belän tanışqan ide.
--------------------------------------------------------------------------------------------
►Tatarstan parlamentında fetnä omtılışına 10 yıl tuldı
Monnan 10 yıl elek 28 may könne Tatarstan Däwlät şurasınıñ plenar utırışında yaña spiker saylaw tiräsendä qızu bäxäslär, xätta säyäsi köräş häm qarşılıqlı wäzğeyät tudı.
Bu waqıyğa turında xäzer berkem dä berni dä söylämi. Ğädi säyäsättän yıraqtağı ğädi keşelär ul waqıyğalarnı belmi, ä belüçelär häm respublika elitasınıñ wäkilläre bu xaqta söyläşergä cörät itmilär. Nindi dä bulsa xata cibärüdän qurqıp, yäisä kemneñder käyefen bozarğa şürläp, endäşmi toralar. Säyäsi elita häm apparat dairälärendä bu turıda süz quyırtmaw iñ töple ğämäl bulıp sanala. 1998 yılda parlament ikegä bülengännän soñ, xällär üzgärep, kiçäge oppozisia wäkilläreneñ qayberläre bügenge xakimiat yağında, qayberäwlär zur ğına urınnarda eşläp yöri, ikençeläre qayadır kitep yuğalğan. Kemneñder yarasına toz sibü dä kileşmi.
--------------------------------------------------------------------------------------------
►Däwlät proektları baylarnı tağı da bayraq itäme?
“Bezneñ gäcit”: Samarda benzin Qazandağıdan arzanraq, däwlät proektları rişwätçelekne arttıra häm tatar-törek litseyları ğawğası qıza bara.
"Bezneñ gäcit"neñ yaña 21nçe sanında respublika rayonnarında cäyelgän rişwätçelek turında zur mäqälä basılğan. Eçke eşlär ministrlığı xezmätkäre Nail Waxitov äzerlägän bu yazmada, Balıq bistäse rayonındağı xällär bäyän itelä.
“2010 yılğa qädär awılnıñ sosial' üseşe” däwlät proektı nigezendä barğan programma belän däwlät aqçaları çınnan da toraq xälen yaxşırtuğa mohtac keşelärgä birelgänme? Tikşerüçelär, däwlät aqçalarınıñ, rayondağı ber türägä, anıñ böten tuğannarına, anıñ duslarına älegüen açıqlağan.
Türä üze 280 meñ alğan bulsa, başqa tuğannarına 500 häm 600 meñnän artıq aqça bülep birü turında kiräkle qäğäzlärgä qul quyğan. Şulay uq, rayon türäse üze oyıştırğan şirkät wäkillärenä dä yärdämgä mohtac awıl xezmätçännäre dip däwlättän aqça alırğa yärdäm itkän.
Qazannan kilgän tikşerüçelär, aqçalarnıñ niçek totılğanın tikşerergä totınğaç, şul xätle ersezlek belän başqarğan eşkä aptırap kitä. Ul qanun taläpläre belän isäpläşep tormağan. Ber urta qul türäneñ xilaflığın niçek rayon başlığı kürmi qalğan, niçek aqça aluçılar isemlegendä ber ük familialärneñ buluına Qazanda, awıl xucalığı ministrlığında küz yömğannar, digän sorawlar quya mäqälä autorı.
Samar ölkäsendä benzin Tatarstannıqınnan küpkä arzanraq, ämma sıyfatı Tatarstannıqınnan qaytışraq ikän. Tolyäti şähärendä hawada ğaz ise kilä, çit il maşinaları bik siräk oçrıy. Andağı qızlar çäçäk kebek kienep yörmi, “neformal” bulıp kürenergä tırışa di, mäqälä autorı Älwira Fatıyxowa. Ä menä Tolyäti tatarlarınıñ ber-bersenä mönäsäbäte tuğanlarça, cılı, yärdämçel, di “Bezneñ gäcit” xäbärçese.
Şulay uq, “Bezneñ gäcit”neñ bu sanında da “Azatlıq” radiosında çıqqan iñ aktual' mäqälälär dä urın alğan. Alar arasında tatar-törek litseyları tiräsendäge xäl xaqında täfsille, xislärgä bay yazma basılğan.
“Bezneñ gäcit”tä basılğan yazmalar belän yaqınnanraq itep säxifäneñ internettağı säxifäsendä tanışıp bula. www.beznen.ru
