Brussel – Yewropa Berlege yuğarı säyäsätçeseneñ İran atom kileşüe başlığı belän tizdän söläşergä teläktäşlek belderüe turında xäbär itelä. Yewropa Berlege tışqı eşlär häm iminlek ölkäsendäge yuğarı wäkile, Javier Solana İrannın könbatış illäre belän bulğan atom nizağın çişü maqsatında taqdimnärgä qarşı cibärelgän yazma cäwap turında söyläşergä teläwe turında belderde. Älege taqdimdä dönya köçläre İran uran bayıtuı eşçänlegen tuqtatqan oçraqta anın belän iqtisadi ölkädä xezmättäşlek başlaw teläktäşlege belderelgän ide. İran tışqı eşlär ministrı Monuçehr Mottaqi taqdimnärgä qarşı yazma cäwabın Comğa könne Solanağa cibärgän ide. Läkin cäwapnıñ eçtälege turında räsmi ber añlatma äle bulmadı.
