Accessibility links

Кайнар хәбәр

Parijdä Äfğanstan cıyını


Parij - Yewropa Berlegenä citäkçelek itkän Fransiä oyıştırğan räsmi bulmağan Äfğanstan cıyını bügen Fransia başqalasında başlandı. Cıyınğa Äfğanstan häm aña kürşe bulğan illärneñ tışqı eşlär ministrları qatnaşa.

İran tışqı eşlär ministrı Manuçähr Mottaqi, cıyınga çaqırılgan bulsa da, ul bügenge cıyınga qatnaşmadı. Cıyınğa İran yagınnan räsmi wäkil cibärelmäwe xäbär itelä.

Fransiä prezidentı Nicolas Sarkozynen, İranga qarata yasagan soñgı belderüläre Tähran belän Parij arasındağı mönäsäbätlärne kiyerenkelekke salğan ide. İran Tährandağı Fransia ilçesen çaqırtıp, wazğiyatkä qarata tänqit belderde.

Parijdäge bügen başlanğan cıyınnıñ kön tärtebendä, Äfğanstandağı soñgı kiyerenkelek, terror häm narkotika belän köräş häm töbäk eçendä xezmättäşlek mäsäläläre bar.

Cıyınga, Äfğanstan belän kürşe bulğan illär belän ber rättän, Hindistan, BMO iminlek şurası äğzaları, BMO General sekretarı, Germania, Zur sigezlekkä citäkçelek itkän İtalia, Yewropa Berlegeneñ tışqı säyäsät öçen cawaplı ölkän wäkile Javier Solana qatnaşa.

XS
SM
MD
LG