Казанда төзелешләрнең 40% “туңдырылган”

Икътисади кризис сәбәпле Казанда төзелешнең күләме нык кимеде. Казанда шәһәр төзелеше өчен җаваплы идарә башлыгы Чынгыз Гатауллин хәбәр иткәнчә, 40% торак йортларның төзелеше “туңдырылган”, 39% биналарының төзелеше алып барылмый. Әмма Казандагы кайбер хосусый төзелеш ширкәтләре проектларын дәвам иттерә.
Башкалада 2009 елда 780 мең квадрат метр торакның кулланышка кертелүе көтелә. Әлегә Казанда еллык планның 36% төзелеп беткән.