Блэр Гыйрак сугышы өчен җавап тота

Британиянең элекке премьеры Тони Блэр Лондонда илнең Гыйрак белән сугышта катнашлыгын тикшергән парламент комиссиясе сорауларына җавап бирә.

Британиянең элекке җитәкчесе катнашкан утырышны дөнья телевидение һәм радио каналлары туры эфирда күрсәтә.
Аңа кадәр башка хөкүмәт әгъзаләре дә шул рәвешле җавап бирде. Блэр җавапларына кызыксыну бик зур, комиссия утырышы барган бинада җәмәгать өчен урыннар лотореяда уйнатылган, дип хәбәр итә "Азатлык"ның җирле вәкиле.

Блэрны илне канунсыз рәвештә сугышка алып керүдә, Гыйракта киңкүләм үтерү кораллары булуда ялгыш фикер тудыруда гаеплиләр.