Макаров: АКШ һәм Русиянең стратегик һөҗүм кораллары килешүе 97% әзер

Русиянең баш хәрби идарәсе башлыгы Николай Макаров Мәскәү белән Вашингтон стратегик һөҗүм кораллары килешүе 97 процентка әзер дип белдерде.

Аның әйтүенчә, тарафларга хәзер кайбер техник нәрсәләрне генә килештерәсе калган.

Шул ук вакытта Макаров АКШның Романия һәм Болгарстанда ракета калканы урнаштыру ниятләренә борчылу белдерде.

Ул шулай ук Вашингтонны Иранга хәрби һөҗүм ясамаска дип кисәтте һәм андый һөҗүм коточкыч нәтиҗәләргә китерергә мөмкин диде.