Башҡортостанда 2010-сы йылда иғлан ителгән республика эмблемаһы раҫланды

Конкурсты республика хөкүмәте ҡарамағындағы матбуғат, нәшриәт һәм полиграфия идаралығы уҙғарғайны. Башҡортостандың атҡаҙанған рәссамы Айрат Тереғоловтың эше иң яҡшыһы тип танылды.

Республика йылының эмблемаһында ҡурай сағылдырылған, рус һәм башҡорт телдәрендә Республика йылы тип яҙылған, шулай уҡ дәүләт суверенитеты тураһында декларация ҡабул итеү һәм Республика йылын иғлан итеү даталары ла ҡуйылған. Дөйөм алғанда конкурста 50-ләп проект ҡаралған.