Иранда 5 кило баетылган уран җитештерелгән

Иранның 20%ка баетылган 5 кило ураны бар, дип хәбәр итте илнең атом идарәсе башлыгы Али Әкбәр Салехи.

Реактор өчен аена шундый уранның кило ярымы җитә.

Дөнья җәмәгатьчелеге Иранга бу эшен туктатырга куша. Баетылган уран атом коралын ясауда кулланыла ала.

Чәршәмбе көнне Иран вәкиле БМОда АКШның яңа атом стратегиясенә борчылу белдереп Вашингтонның атом һөҗүменнән куркуын әйтте.