Иран МАГАТЭга аз баетылган уранга кагылышлы хатны юллаган

Иран хакимияте үзендә җитештерелгән аз баетылган уранны атом ягулыгы алу бәрабәренә Ираннан Төркиягә чыгарырга ризалашу турындагы килешүне Атом энергиясе халыкара агентлыгына (МАГАТЭ) тапшыруын әйтте.

Уранны баету өлкәсендәге хезмәттәшлек турындагы сөйләшүләр Төркия, Бразилия һәм Иран вәкилләре арасында узган атнада Тәһранда узган иде.

Атом энергиясе халыкара агентлыгыннан хатны алу турында әлегә рәсми белдерү юк.