Дагыстанда үтерелгән сугышчы - милиция офицерының улы

Дагыстанның Дербент шәһәрендә махсус хәрби чара барышында үтерелгән сугышчы шәһәр эчке эшләр идарәсенең җинаятьчеләрне эзләү бүлеге башлыгы Абдулбас Ахмедовның улы булып чыкты.

Арсен Ахмедов июнь аенда өеннән чыгып китеп югалган дип саналган булган.

Ул җомга көнне Дербенттагы күп катлы бер йортның фатирына кереп бикләнеп иминлек көчләренә каты каршылык күрсәткән һәм бүген фатирны яулаганда үтерелгән.