Accessibility links

Кайнар хәбәр

Урыс егете татарларга сайт ачып бирде


Тольятти эшмәкәрләре Роза һәм Ирек Каримовлар

Соңгы елларда Самар өлкәсендә татар җәмгыятьләре интернетта үзләренең сайтларын ача башлады. Самардан соң төбәктә икенче зур шәһәр булып саналган Тольяттида “Руханият” фонды да үзенең интернет-сәхифәсен булдырды.


Сайтны ачуда төп эшне башкарган Виталий Стриженов белән әңгәмә корабыз.

Сайтны ачканда нинди ниятләр тоттыгыз?

– “Руханият” җәмгыяте сәхифәсен ярты ел элек ачкан иде. Максатыбыз – шәһәрдәге татарларны һәм башка милләтләрне татар һәм мөселман мәдәниятлары белән таныштыру.

Безнең сайтны көненә 25-30 кеше ача. Әлегә бу сан безне канәгатьләндерә. Тольятти тарихы белән таныштыру да уебызда бар.

Без горурланып әйтә алабыз. Заманында Тольятти каласында мәчет бинасы белән шәһәребезне ирле-хатынлы Ирек һәм Роза Кәримовалар бизәде. Алар үзләренең тирәсенә эшмәкәрләрне туплый алды. Менә ике дистә ел инде бу гаилә татарга хезмәт итә.

Әлегә сезнең сайтта материаллар тик рус телендә генә. Ә бит татар телсез татар мәдәниятен саклау мөмкин түгел.

– Әйе, фикерегез белән риза. Алдагы көннәрдә сайтта хәбәрләрне татар телендә дә, гарәп телендә дә бастыру күздә тотыла. Без татар дөньясына гына түгел, гарәп дөньясына да тәрәзә уярга исәп тотабыз.

***

Биредә шуны өстәү урынлыдыр. Виталий Стриженов зур сәясәттә кайный. Үзенең яшәгән урыны Самар булса да, эше Тольятти белән бәйләнгән.

фикер әйт

фикерләрне күрсәт

XS
SM
MD
LG