Багдадта узган атна һөҗүмнәре өчен җаваплылыкны әл-Каидә алды

Гыйрактагы әл-Каидә төркеме Багдадта узган атнада 69 кешенең гомерен өзгән, 200-ләп кешене яралаган шартлаулар өчен җаваплылыкны үз өстенә алды.

Үзен “Гыйрак ислам дәүләте” дип атаучы төркем интернетта “кайда һәм кайчан һөҗүм итәргә” кирәклеген белүе турында язма чыгарды.

Бу белдерүдә пәнҗешәмбе һөҗүмнәренең илдә Иран тәэсире артуга каршы һәм сөнниләрне яклап оештырылганлыгы әйтелә.