Йәмәғәтселек күренекле композитор, БАССР, РСФСР, СССРҙың халыҡ артисы, РСФСР-ҙың Глинка исемендәге, Башҡортостандың Салауат Юлаев исемендәге дәүләт премиялары лауреаты, Өфө дәүләт сәнғәт институтының тәүге ректоры Заһир Исмәғилевтың тыуыуына 95 йыл тулыуҙы билдәләне. Уның исеме ысын мәғәнәһендә республиканың музыкаль үҫешенең символы булып тора. Заһир Исмәғилевтың әҫәрҙәре музыкаль мәҙәниәтебеҙҙең алтын фондын тәшкил итә.
