Элекке президент Хөсни Мөбәрәк узган ел бәреп төшерелгәннән соң бүген Мисырда беренче тапкыр президент сайлау үтә. Тавыш бирү ике көн барачак. Хатын-кызлар өчен махсус тавыш бирү урыннары булдырылган. Президент урынына 12 намзәт дәгъва итә. Җиңү ихтималы зур дип саналган намзәтләр - Гарәп илләре лигасы башлыгы, Мөбәрәкнең элекке тышкы министры Әмр Мусса бүген Каһирәдә, “Мөселман кардәшләре” хәрәкәте вәкиле Мөхәммәд Мурси үзенең Шәркыя шәһәрендә тавыш бирде.