2012 Сабантуйлары

14 июль көнне Британия тарихында беренче Сабантуй узып китте. Татар халкының милли бәйрәме Wembley Park мәйданында үтте. Бүгенге көндә Британиядә татарлар саны күп түгел. Электән үк килгәнчә, бу мәмләкәт татарларга якын саналмый. Әмма соңгы елларда татарлар бу җирләргә дә төпләнә башлады. Уку йортлары абруйлы саналган илгә, күбесенчә, студентлар килә. Бәлки, Лондонда күптән яшәүче татарлар да бардыр. Сабантуй аларның барысын да берләштерде.

Уникенче федераль Сабантуй 30 июнь көнне Тын океан ярларында, Владивосток каласында гөрләде. Федераль Сабантуйның Татарстаннан болай ерак узганы юк иде әле. [Ира Таҗиева фотолары]

Милли бәйрәмебез Омски төбәгендә быел 2 июньдә шәһәр Сабантуе белән башланып киткән иде. Усть-Ишем, Колосовка, Тара районнарында авыл, район сабантуйлары гөрләп үтте. Омскида шәһәр күләмендә балалар Сабантуе үткәрелде. 30 июнь көнне Тевриз муниципаль районының Туйчы авылында район Сабантуе узды. [Розалия Сайганова фотолары]

Быел Төмән өлкәсе Сабантуйларга бай булды. Аның беренчесе Индрәй авылында үтте, башкалары өлкәнең татарлар күпләп яшәгән төрле төбәкләрендә халкыбызны рәхәтләндереп ял иттерде, җыр-моңга куандырды.

24 июньдә халкыбызның милли бәйрәме Ташкент шәһәренең Бобур паркында үтте. Бәйрәмдә 35 меңләп кеше катнашкан дип хәбәр ителә.

Оренбур төбәге Сабан туе 23 июндә өлкәнең иң зур татар авылы - Татар Каргалы янындагы аланда үтте. Оештыручылар әйтүенчә, анда 10 меңнән артык кеше катнашкан. Бу кадәр халыкның җыелуы авыл Сабантуе тарихында беренче тапкыр. [Фирүзә Әпсәләмова фотолары]

23 июньдә Самарның Гагарин паркында өлкә Сабантуена берничә мең кеше җыелды. Кунаклар арасында күрше төбәкләрдән, шул исәптән Татарстаннан да вәкилләр бар иде. Җыр-бию, милли көрәш, төрле ярышлар белән үткән бәйрәм кунаклары татар ашлары белән дә сыйланды.

17 июнь көнне Кырымның Акъяр (Севастополь) шәһәрендәге татар-башкорт үзәге милләттәшләрне Сабантуйга җыйды. Унбишенче тапкыр уздырылган бу милли бәйрәм гадәттәгечә Максимов дачасы дигән урында узды.

17 июнь көнне Омскида балалар Сабантуе үтте. Балалар өчен милли бәйрәмне инде өченче ел рәттән шәһәр татар милли-мәдәни мохтарияте оештыра.

Мөслим Сабантуе сурәтләрен безгә укучыбыз Флүн Вильданов Азатлыкка фото, видео, аудио җибәрү бите аша җибәрде. Сез дә безгә үзегезнең төбәктә үткән Сабантуеннан сурәтләр җибәрә аласыз.

Татарстанның Азнакай районындагы Балан-Бүләк авылы Сабантуе [Флүн Вильданов фотолары]

Балтыйк буе татарлары быел Сабантуйны Эстониянең Нарва шәһәренә җыелып бәйрәм итте. Анда шулай ук Финляндия, Русия, Чехия, Германия һәм башка илләрдән дә кунаклар катнашты.

16 июнь көнне Нью-Йорк татарлары да Сабантуйга җыелды. Бу бәйрәмдә катнашу өчен Американың башка штатларыннан да татарлар кунакка килде. [Руслан Мурадымов фотолары]

Иркутскида үткән өлкә Сабантуеннан күренешләр. [Наил Солтанов фотолары]

12 июньдә халкыбызның милли бәйрәме Амурдагы Комсомольски шәһәрендә үтте. Бәйрәмдә ун мең чамасы кеше катнашты.

Кырым башкаласы Акмәчеттә Сабантуй бәйрәме узды. Воронцов исеменде ял итү бакчасы янында Салгыр елгасы буенда ямь-яшел болында узган Сабантуйга Кырымның төрле шәһәрләреннән, Татарстаннан да кунаклар килгән иде.

26 майда Вирджиния штатының Алгонкиан (Algonkian) паркында Вашингтон Сабантуе үтте.

26 майда Истанбулның Солтанәхмәт мәйданында Башкортстан республикасы мәдәнияте көннәре кысаларында VII Башкортстан Сабантуе узды.