“Кызган таба” тапшыруының бүгенге кунагы - Башкортстанның Октябрски шәһәреннән Казанга укырга килгән яшь башкаручы Диана Сәфәрова. Пәрәвездә ул сөйгән ярына багышлап язылган җырга төшерелгән клип белән яшьләрнең игътибарын алды. Казан дәүләт мәдәният һәм сәнгать университетында өченче курста укучы Диана татарча камил белмәвен Башкортстан хакимияте алып барган тел сәясәтеннән күрә. Алар Октябрски шәһәрендә татарча сөйләшмәгәннәр, хәзер ул туган телен өйрәнеп татар телендә җырлар яздырып клип төшерергә тели.