Узган ялларда Төмән өлкәсе Сәел авылында татар яшьләре арасында волейбол буенча беренче турнир үтте. Турнирны өлкәдә яшәүче татар яшьләрен берләштерүче "Яшь буын" оешмасы оештырды. Әлеге оешма татар авылларында төрле мәдәни һәм дини чаралар, татарча дискотекалар оештыру белән шөгыльләнә. Спорт өлкәсендә исә бу татар яшьләре беренче тапкыр үзара ярышты.