Казанда Ислам хезмәттәшлек оешмасының Яшьләр моделе форумына дөньяның 45 иленнән килгән 100дән артык делегат бер атна дәвамында Иранның атом программасы, мөселман дөньясының берләшүе кебек темалар турында фикер алышты. 8 июльдә делегатлар Биләргә сәфәр кылды. Биредә Татарстанның “Сәләт” яшьләр форумы узды. Мөселман яшьләре белән очрашуда президент Рөстәм Миңнеханов Татарстандагы яшьләрнең дини тамырларга әйләнеп кайтуын ассызыклады.