Казандагы һөҗүмнәрне оештыруда шикләнелгән ике кешене эзлиләр

Татарстан хокук саклаучыларыннан бүген Казанда булган һөҗүмнәрне оештыруда шикләнелгән кешеләрнең исемнәре билгеле, дигән хәбәр бар.

Татарстан мөфтие Илдус Фәиз машинасын шартлатуда һәм Татарстан диния назәрәтенең уку-укыту бүлеге башлыгы Вәлиулла Ягъкубны атып үтерүдә Айрат Шәрипов һәм Руслан Токранов шикләнелә.

Казанга һөҗүмнәрне тикшерү өчен Мәскәүдән Эчке эшләр министрлыгы хезмәткәрләре килде.