Татарстан сайлау комиссиясен Әгъзам Гобәйдуллин җитәкли

Татарстан сайлау комиссиясенең яңа рәисе итеп Әгъзам Гобәйдуллин билгеләнде. Аның нәмзәтен комиссия утырышында катнашкан барлык әгъзалар бер тавыштан хуплаган.

Утырышта шулай ук Русия үзәк сайлау комиссиясе рәисе Владимир Чуров, Татарстан парламенты рәисе Фәрит Мөхәммәтшин, Татарстан президент аппараты җитәкчесе Юрий Камалытдинов, комиссиянең элекке рәисе Анатолий Фомин катнашкан.