Accessibility links

Украина парламентында хакимият фиркасе тагын күпчелектә булырга охшый


Украина Үзәк сайлау комиссиясенең рәис урынбасары Андрей Магуера хәбәрчеләрне сайлау нәтиҗәләре белән таныштыра
Украинада гадел булмады дип тәнкыйтьләнгән парламент сайлавы нәтиҗәсендә президент Виктор Януковичның Регионнар фиркасе һәм аның беректәшләре парламентта тагын күпчелектә калырга охшый.

Барлык диярлек тавышларны санау нәтиҗәләренә караганда, Регионнар партиясе 32 проценттан артыграк тавыш белән беренче урында.

Регионнар фиркаcе Коммунистлар фиркасе белән бергә 450 урынлы Югары Радада күпчелек тавышка ия булыр дип көтелә.

Төрмәгә ябылган элекке премьер-министр Юлия Тимошенконың Баткивщина блогы 24 процент тавыш белән икенче урында.
XS
SM
MD
LG