Казанда Татарстан дәүләт радиосы журналисты Дания Гайнетдинованың “Күңел бизәкләре” дип аталган рәсем күргәзмәсе ачылды. Рәсемнәрдә табигать күренешләре, чәчәкләр, атлар сурәтләнгән. "Мин кеше рәсемнәрен ясарга яратмыйм. Миңа табигать якынрак. Табигать күренешләрен күңел күзем белән күреп, күңел сандыгына салып куям һәм кирәк чакта рәсем итеп ясыйм. Чәчәкле рәсемнәрне өч көндә, табигать күренешен, атларны унбиш көндә ясыйм", ди автор.