Салават шәһәре полициясе балалар бакчасына ут ачучыны үтерүен белдерә

Башкортстанның Салават шәһәре полициясе балалар бакчасына ут ачкан Рамил Морташинны атып үтерүен белдерә.

Полиция белдерүенчә, 50 яшьлек Морташин бүген иртән үз фатирының тәрәзәсеннән балалар бакчасы бинасына утлы коралдан аткан.

Балалар бакчасының тәрәзәсе ватылып бер тәрбиячене яралаган, диелә.

Полиция Морташин яшәгән йортны чолганышка алган һәм аның фатирын яулап алганда атып үтергән.