6 июльдә башкаланың Игенчеләр сарае каршындагы мәйданда Универсиада паркы ачылды. Паркта төрле күңел ачу чаралары эшли. Килүчеләргә шулай ук кулдан ясалган сувенирлар тәкъдим ителде. Паркта республикада яшәүче төрле милләт вәкилләренең концертларын да карап булды. Парк ачылган көнне кунакларга Татарстанның Чүпрәле районы үзешчәннәре татар җыр-биюләрен тәкъдим итте.