24 августта Уфада Башкортстан татарлары конгрессы башкарма комитеты утырышында билгеле татар язучысы, бу җәйдә Казаннан туган авылы Стәрлебашка күченеп кайткан Зәки Зәйнуллин да катнашты. Ул “Звезда Поволжья” газетында басылган мәкаләсе өчен эзәрлекләнүен сөйләде. Мәкалә басылгач Айдар Хәлимнең аны тәнкыйтьләп чыгуын, Фәүзия Бәйрәмованың моның өчен аңа карата җинаять эше ачылу ихтималлыгы турында язуын бик ачынып телгә алды.