Татар иҗтимагый үзәге һәм "Азатлык" татар яшьләре берлеге узган шимбә Казанның Бауман урамында ТИҮ бинасын сатуга каршы митинг үткәрде. Милли хәрәкәтнең иң актив вәкилләре "Китмибез", "Карл Маркс урамы 41/13 йорт, татар йортына кагылмагыз!" дигән шигарләр белән Татарстан президенты Рөстәм Миңнехановтан ярдәм сорады. Язучы Айдар Хәлим, Мөслимәләр оешмасы рәисе Әлмирә Әдиятуллина аңа хөрмәт белән карауларын һәм иҗтимагый үзәк бинасының татарлар өчен изге урын булуын әйтте. Шунда ук 12 октярбьдә үтәчәк Хәтер көненә әзерлек барышы хакында да сүз булды.
Милли хәрәкәт оештырган митингны карап үтүчечеләр арасында "Ненавижу националистов!" дип кычкырып китүчеләр очрады. Шул рәвешле алар урамда йөрүче халыкны туктап, нәрсә бара монда дип уйланырга этәрде. "А что у них случилось?" диде узып барышлый бер туташ һәм туктап карап алгач ТИҮ бинасын яклауларын күрде. Иң кызыгы - ул татарча аңлый торган татар кешесе булып чыкты, янындагылардан русча соравы сәер булды. Мин ул милләтчеләр милләтеннән түгел, дип читләшергә теләде микән?
ТИҮ бинасын яклап сәяси ачлык тотучылар
Митингтан соң милли хәрәкәтнең бер төркеме сәяси ачлык игълан итте. "Азатлык" яшьләр берлеге рәисе Наил Нәбиуллин ул гамәлнең җиңел булмаячагын әйткән иде. Беренче көнгә нәтиҗә ясап Фейсбук социаль челтәре аша ач торучыларның фотоларын күрсәтте. Рәсемнән күренгәнчә һәм Наил белдерүенчә хәзер ТИҮ бинасын яклап берничә кеше ачлык тота: Наил Нәбиуллин, Фәрит Зәкиев, Айрат Шакиров, Рәүф Ибраһимов, Илдар Мустафаев. Азатлык бу хәлләрне алга таба да күзәтеп барачак.
Милли хәрәкәт оештырган митингны карап үтүчечеләр арасында "Ненавижу националистов!" дип кычкырып китүчеләр очрады. Шул рәвешле алар урамда йөрүче халыкны туктап, нәрсә бара монда дип уйланырга этәрде. "А что у них случилось?" диде узып барышлый бер туташ һәм туктап карап алгач ТИҮ бинасын яклауларын күрде. Иң кызыгы - ул татарча аңлый торган татар кешесе булып чыкты, янындагылардан русча соравы сәер булды. Мин ул милләтчеләр милләтеннән түгел, дип читләшергә теләде микән?
Митингтан соң милли хәрәкәтнең бер төркеме сәяси ачлык игълан итте. "Азатлык" яшьләр берлеге рәисе Наил Нәбиуллин ул гамәлнең җиңел булмаячагын әйткән иде. Беренче көнгә нәтиҗә ясап Фейсбук социаль челтәре аша ач торучыларның фотоларын күрсәтте. Рәсемнән күренгәнчә һәм Наил белдерүенчә хәзер ТИҮ бинасын яклап берничә кеше ачлык тота: Наил Нәбиуллин, Фәрит Зәкиев, Айрат Шакиров, Рәүф Ибраһимов, Илдар Мустафаев. Азатлык бу хәлләрне алга таба да күзәтеп барачак.
