Кырым хакимиятләре Украина белән сугару каналы аша килүче су мәсьәләсе турында килешә алмый. Кырым еллар буе Украинага су тәэминаты өчен күчергән акчаны хәзер күчерми, аның Украина алдында су өчен бурычы да бар икән. Кырым бу мәсьәләдә Украинаны гаепли, имеш, Украина киртәләр куя ди, Украина исә – түләгез, ди. Шундый вәзгыять Кырым фермерларын бик авыр хәлгә куйды. Шушы хәл турында Азатлыкка фермерларның берсе, Сак районы мәҗлес рәисе Искәндәр Билялов сөйләде.