Израил хәрбиләре 8 июль иртәсендә Газзә сызыгындагы фәлестин шәһәрләренә һавадан һөҗүм итеп кимендә 50 йортка ут ачты. Яраланган тугыз кеше Деир әл-Балаһ шәһәрендәге әл-Акса шәһитләре хастаханәсенә китерелде. Башка шәһәрләрдә дә яраланучыларның күп булуы хәбәр ителә. Кайбер фәлестин йортлары тулысынча юк ителде. Һөҗүм алдыннан аларның кайберләреннән кешеләр качып өлгергән булырга охшый. Бу һөҗүмнәр Хәмәс сугышчылары Газзәдән Израилгә дистәләрчә ракета очырганнан соң булды.