Accessibility links

Кайнар хәбәр
10 сентябрь кичендә Казанда бер төркем активист Украинадагы сугышка каршы пикет үткәрде.
10 сентябрь кичендә Казанда бер төркем активист Украинадагы сугышка каршы пикет үткәрде.

Украинага интервенция

16:00 10.9.2014

Донбасска "махсус статус" бирү мәсьәләсе каралачак

Украина президенты Петро Порошенко
Украина президенты Петро Порошенко

​Украина президенты Петро Порошенко, киләсе атнада Югары Рада Донецки һәм Лугански өлкәләренә Украина эчендә "махсус статус" бирү турында канун өлгесен караячак, дип белдерде.

Әлеге канун белән Порошенко бу төбәкләрнең "тыныч юл белән Украинага кайтуына" өмет итә. Әзерләнгән документта бу төбәктә "вакытлыча үзидарә" урнаштыру һәм соңыннан Украина эчендә аларга аерым статус бирү каралган.

5 сентябрь Минскида Украина, Европада Иминлек һәм Хезмәттәшлек Оешмасы, шулай ук Русия вәкилләре Украинаның көнчыгышында көч куллануны туктату турында килешүгә кул куйды. Шул ук килешүдә Русия яклы сепаратистлар кулында булган Донбасс өлкәләренә махсус статус бирү дә каралган иде.

16:16 9.9.2014

Меркель: "Русиянең Украина низагында катнашуы ап-ачык

Ангела Меркель
Ангела Меркель

Германия канцлеры Ангела Меркель Украина низагында Русиянең катнашуы "ап-ачык", аның бу гамәлләрен болай гына калдырырга ярамый дип белдерде. Чикләүләр Русиягә йогынты ясауның бердән-бер чарасы, шул ук вакытта, Украинада вазгыять җайланса бу чикләүләр алыныгрга да мөмкин, диде ул.

15:16 9.9.2014

Нидерланд очкыч казасы хисабын бәян итте

Белгечләр Malaysia Airlines очкычы казасы урынын тикшерә
Белгечләр Malaysia Airlines очкычы казасы урынын тикшерә

Нидерланд иминлек шурасы Malaysia Airlines һава ширкәте очкычының 17 июль көнне Украинаның Донецки өлкәсендә һәлакәткә юлыгу сәбәпләрен тикшергән белгечләр хисабын игълан итте. Белгечләр очкыч "читтән" килеп тигән җисем нәтиҗәсендә җимерелгән дип белдерә, әмма нинди ракета икәнен атамый.

Тикшерүгә җитәкчелек иткән Нидерланд иминлек шурасы әлегә "беренчел нәтиҗәләр" генә ясалуын, тикшерү дәвам итүен белдерә. Җентекле тикшерү ясалган хисап бер елдан соң, киләсе җәйгә игълан ителер дип көтелә.

15:09 9.9.2014

Порошенко Мариупольгә килде

Порошенко Мариупольгә килде
please wait
урнаштыру коды

No media source currently available

0:00 0:01:14 0:00

8 сентябрь Украина президенты Петро Порошенко атна ахырында атышулар күзәтелгән Мариупольгә килде. Бер төркем эшчеләр алдында чыгыш ясап ул шәһәр үзен сепаратистлардан сакларлык хәлдә, ләкин "һәркем тынычлык тели" диде.

17:22 7.9.2014

Мариупольдә атышулар

Мариупольдә атышулар
please wait
урнаштыру коды

No media source currently available

0:00 0:01:20 0:00

Украина белән Русия яклы сепаратистлар арасында ут туктату килешүенә карамастан, шимбә кичендә Мариуполь шәһеренең Новоазвски юлындагы тикшерү капкасында бәрелешләр булган, корбаннар бар дип хәбәр ителә.

10:47 7.9.2014

Мариуполь тирәсендә шартлау һәм ут ачулар турында хәбәр ителә

Мариуполь тирәсендә шартлаулар
Мариуполь тирәсендә шартлаулар

Киев белән Русия яклы сепаратистлар арасында ут туктату турында килешүгә карамастан, якшәмбегә каршы төндә Мариуполь тирәсендә шартлаулар һәм артиллерия уты ачу очраклары теркәлгән.

Мариупольдәге шаһитләр телефон аша Associated Press агентлыгына хәбәр итүенчә, шартлау тавышлары украин шәһәрнең көнчыгыш ягыннан, украин хәрбиләре урнашкан җирдән килгән.

Азов батальоны ихтыярилары үзләренең Facebook битендә узган төндә аларга Град ракеталарыннан һөҗүм булганын хәбәр итә. Азов батальоны матбугат хезмәте хәбәр итүенчә, украин гаскәрләре әлегә җавап уты кайтармый.

Шимбә көнне Украина һәм Русия президентлары Петро Порошенко һәм Владимир Путин телефон аша сөйләшеп “ут туктату турында килешүенең нигездә үтәлүен” таныганнар иде.

14:20 6.9.2014

Тымчук: Сепаратистлар Украина көнчыгышында килешүне боза

Донецки өлкәсе Новоекатериновка авылы янында украин гаскәрләренең янган хәрби техникасы
Донецки өлкәсе Новоекатериновка авылы янында украин гаскәрләренең янган хәрби техникасы

Русия тарафлы көчләр килешү шартларын үтәми, Донбасс ягында украин гаскәрләре позицияләренә һәм тикшерү нокталарына һөҗүм итүен һәм ут ачуын давам итә. Бу хакта хәрби-сәяси тикшеренүләр үзәге җитәкчесе Дмитрий Тымчук үзенең Facebook битендә хәбәр итте.

Аның мәгълүматына күрә, җомга көн кичке алтыдан соң хәзергә кадәр украин гаскәрләренең Донецки һава аланындагы позицияләренә берничә һөҗүм тырышлыгы ясалган. Сепаратистлар гранат- һәм утаткычлар кулланган. Шулай ук украин көчләренең Попасная, Красногоровка, Золотое, Новотроицкое авыллырындагы сафлары утка тотылган.

Тымчук сүзләренчә, украин хәрбиләре килешү шартларын үти, бары тик аларга һөҗүм булса гына җавап уты кайтара.

Ут туктату турында килешү җомга көнне Минксида контакт төркеме очрашуында төзелгән иде. Килешү җомга көнне җирле вакыт белән кичке алтыла көченә керде.

18:15 5.9.2014

Украина президенты Порошенко атышларны туктатырга боерды

Петр Порошенко
Петр Порошенко

Украина президенты Петр Порошенко илнең көнчыгышында атышларны туктатырга фәрман бирде. Бу турыда президентның интернеттагы рәсми сәхифәсендә хәбәр ителә.

“Русия президенты Владимир Путинның Донбасстагы канунсыз кораллы төркемнәрне атышларны туктатырга чакыруы һәм Украина президентының тынычлык планын гамәлгә ашыру максатында өчьяклы контакт төркеме утырышында имзаланган протокол нигезендә мин Украина кораллы көчләре баш идарәсе җитәкчесенә 5 сентябрьдә 18:00дә атышларны туктатырга фәрман бирәм”, диелә.

Порошенко илнең тышкы эшләр министрына атышларны туктату режимының үтәлүен Европада иминлек вә хезмәттәшлек оешмасы белән бергәләп халыкара контрольдә тотуны йөкләде.

дәвам

XS
SM
MD
LG