Мәскәү янындагы Ногински шәһәреннән Донецки һәм Лугански өлкәләре өчен һуманитар ярдәм белән чираттагы дүртенче кәрван китте. Барлыгы Украина көнчыгышына 100 машина юл алган.
Кызыл Хач халыкара комитетының Мәскәү бүлегендә әлеге һуманитар ярдәмне оештыруда катнашмауларын әйттеләр. Украина дәүләт иминлеге һәм саклану шурасы вәкиле Андрей Лысенко сишәмбе көнне белдерүенчә, Русия һуманитар ярдәм җибәрү турында Киевны кисәтмәгән.
