Украина президенты Петр Порошенко Донбасс төбәгендәге сугышта барлыгы 1252 украин хәрбиенең һәлак булуын, өч меңләп хәрбинең яралануын белдерде. Моны ул Харьков һава аланында хәрбиләрне Украина хәрби көчләре көне уңаеннан котлаганда әйтте
Бәйрәмгә армиягә бер йөзләп хәрби техника, шул исәптән танклар, БТРлар, артиллерия корылмалары һәм боралаклар тапшырылды.
Порошенко чыгышында Донбасстагы сугышны "Украина бәйсезлеге өчен ватан сугышы" дип атады.
