Accessibility links

Кайнар хәбәр

Парижда сатира журналына һөҗүмдә унике кеше һәлак булды


Парижда һөҗүмнән соң коткаручылар корбаннарны чыгара
please wait

No media source currently available

0:00 0:00:46 0:00

Парижда һөҗүмнән соң коткаручылар корбаннарны чыгара

Парижда Charlie Hebdo исемле сатира журналына һөҗүмдә унике кеше һәлак булды. Бу басма Мөхәммәт пәйгамбәрне мыскыл иткән рәсемнәрне бастырып танылган иде.

7 гыйнвар Парижда Charlie Hebdo исемле сатира журналы урнашкан бинада атышулар турында хәбәрләр килде. Һөҗүмдә 12 кешенең үлеме һәм 10 кешенең яралануы турында хәбәр ителде.

Шаһитләр сүзләренчә, редакция бинасына кара башлыктан Калашников автоматы белән коралланган берничә ир кеше кергән һәм берничә минуттан атышлар тавышы ишетелгән, бинадан кешеләр йөгереп чыккан.

Бу һәвәскәр видеода һөҗүмчеләрнең җирдә ятучы яраланган полиция хезмәткәренә атканы күренә. Соңнан алар машинага утырып кача.

Һөҗүмчеләр полиция хезмәткәренә ата
please wait
урнаштыру коды

No media source currently available

0:00 0:00:39 0:00

Һөҗүм булган урынга Франция президенты Франсуа Олланд килде. Ул бу хәлне террор гамәле буларак бәяләде.

Кич белән Парижда 35 меңләп кеше шәһәр үзәгенә чыгып һөҗүм корбаннарына теләктәшлек белдерде. Кайберләре кулында сүз иреклеген яклаган шигарләр тоткан иде.

Парижда меңнәрчә кеше һөҗүм корбаннарына теләктәшлек белдерде
please wait

No media source currently available

0:00 0:00:47 0:00

Бу басманың элегрәк Мөхәммәд пәйгамбәрне мыскыл иткән рәсемнәрне бастырганы бар. 2011 елның ноябрендә журнал тышлыгында Мөхәммәт пәйгамбәр карикатурасын бастырылганнан соң, редакциягә яндыргыч ташлаганнар иде.

Узган ел журнал Мөхәммәд пәйгамбәр турында комикс китабын чыгарды.

Франциядә 8 гыйнвардан башлап өч көнлек матәм игълан ителде.

XS
SM
MD
LG