Башкортстанның Сибай каласында яшәүче Радик Гыйлванов “Ислам дәүләте” исемле террорчы оешманы иганәләүдә гаепләнә. Аны “Террорчыл эшмәкәрлеккә ярдәм итү” маддәсе нигезендә 4 ел ярымга хөкем иткәннәр. Русия иминлек хезмәтенең Башкортстан идарәсе хәбәр итүенчә, ул 2012 елдан 2014 елга тиклем сугышчылар хисабына 90 мең сумнан артык акча күчергән. Бу акчаны ул кала халкыннан мөселманнарга ярдәм йөзөнән җыйган. Хәер бирүчеләр акчаларның кайда җибәрелгәнен белмәгән.