"ЮВТ-Аэро" 30 июльдән атнага өч тапкыр Петербурга, 7 августтан атнага ике тапкыр Акмәчеткә, 8 августтан шулай ук атнага ике тапкыр Сочига оча башлаячак. Чиләбе һәм Новосибирскига да очу планлаштырыла.
17 июльдә "ЮВТ-Аэро" яңа һава ширкәте буларак Бөгелмәдән Мәскәүгә оча башлады. 2015 елның 8 июлендә бу ширкәт сертификат, 15 июльдә очышларга лицензия алды.
Ширкәт җитәкчесе Петр Турбаев Азатлыкка очкычларда татар, инглиз һәм рус телләре тигез яңгыраячак дип белдергән иде.
