Прокуратура ачыклаганча, бу кешеләрне Чүпрәледә Балалар иҗаты йортын төзүгә җәлеп иткәннәр. Яшәү урыны итеп 2нче балалар бакчасын билгеләгәннәр.
Татарстан прокуратурасы сәхифәсе хәбәр итүенчә, Төньяк Корея гражданнарының балалар бакчасында яшәве канунга каршы килә, чөнки балалар бакчасы яшәргә яраклы торак булып саналмый.
Нәтиҗәдә Чүпрәле районы башкарма комитетының төзелеш һәм торак-коммуналь хуҗалык бүлеге башлыгы Юрий Шуркинга шелтә белдерелде.
Төньяк Корея гражданнарының Русия территориясендә ни дәрәҗәдә кануни рәвештә яшәгәнлеге турында хәбәр ителми.