Accessibility links

Кайнар хәбәр

Русия-Төркия низагы

24 ноябрьдә Төркия Сүрия чигендә Русиянең хәрби Су-24 очкычын бәреп төшерде. Бу вакыйга ике ил арасында мөнәсәбәтләрнең бозылуына китерде.


Сүрия-Төркия чигендә Русия хәрби очкычын бәреп төшерү
please wait

No media source currently available

0:00 0:01:14 0:00

Су-24 очкычныың янып җиргә төшүе һәм ике очучының парашют белән сикереп котылуы видеога төшерелгән. (AP)

йомгак

- Русия төрек ватандашларына карата виза тәртибе кертә

- Башкортстан Төркия белән мөнәсәбәтләрне яңадан караячак

- Русия Төркия азык-төлегенә чикләүләр игълан итте

- Төркия Русиягә каршы чикләүләр кертмәячәген белдерде

- Путин Парижда ачылган климат саммитында Эрдоган белән очрашудан баш тартты

- Эрдоган Русия чикләүләренә җавап чаралары белән янады

Белградта Русия һәм Төркия тышкы эшләр министрлары очрашты

Анкара Русиянең төрек балыкчыларына реакциясен "арттырып җибәрү" дип бәяли

Мәүлет Чавушоглу
Мәүлет Чавушоглу

Төркия тышкы эшләр министры Мәүлет Чавушоглу Corriere della Sera газетына Русия хәрби корабының Төркия балыкчылык корабына кисәтү уты ачуын “арттырып җибәрү” дип белдерде. Якшәмбе көнне Русия саклану министрлыгы Төрек корабы элемтәгә җавап бирмәде дип аңа кисәтү уты ачылганлыгын белдергән иде. “Русия һәм Төркия, бершартсыз элекке үзара ышанычны торгызырга тиеш, әмма безнең сабырлыгыбызның да чиге бар”, ди Чавушоглу. Аның әйтүенчә, Владимир Путин Анкараның Русия хәрби очкычын бәреп төшерүен Төркиянең Ислам дәүләте оешмасыннан нефть алуы белән аңлатып Русияне инде уңайсыз хәлгә куйган. “Моңа беркем дә ышанмады”, ди төрек министры.

Русия корабы төрек балыкчыларына кисәтү уты ачкан

Якшәмбе иртәсендә Эге диңгезендәге Лемнос утравыннан 22 чакрымда Русия хәрби корабы Төркия балыкчылык корабына кисәтү уты ачкан. Русия корабы якынлашып килүче төрек корабы белән бәрелешмәс өчен радиоэлемтәгә һәм визуаль элемтәгә керергә маташкан, әмма төрекләр җавап бирмәгәч, аларга куркыныч тудырмаслык итеп юлларына ут ачкан, диелә. Шуннан соң төрек корабы юнәлешен үзгәртеп Русия корабыннан 540 метр ераклыкта узып киткән. Русия саклану министрлыгы бу хәлгә бәйле рәвештә Мәскәүдә Төркия илчелегендәге хәрби атташены сөйләшүгә чакырган.

Петербур янында Bosch-Siemens җитештерүне туктаткан

Төркиядән китерелүче кисәкләр булмау сәбәпле Петербур янындагы Bosch-Siemens җитештерү берләшмәсендә кер юуу машиналары ясау туктатылган, тиздән суыткычлар җитештерү дә тукталачак. Петербурның сәнәгать сәясәте һәм инновацияләр комитеты башлыгы Максим Мейксин РБК-ТВга "9 декабрьдә Bosch-Siemens кер юуу машиналары тукталды, бүген суыткычлар ясау бүлеге дә соңгы эш көнен тәмамлый", дип белдерде. Берләшмә вәкилләре кирәкле кисәкләрнең 23 ноябрьдән бирле таможняда ятуын әйтә. Bosch-Siemens җиһазларын ясау өчен кирәкле кисәкләрнең зур өлеше Төркиядән китерелә.

Петербурда машина җитештерү тукталырга мөмкин

​Петербур вице-губернаторы Сергей Мовчан Федерал таможня хезмәтенә мөрәҗәгать итеп Төркиядән китерелүче машина детальләнерә киртә куюны бетерүне сораган. "Интерфакс" белдерүенчә, президент Владимир Путин Төркиягә каршы икътисади чикләүләр керткәннән соң Төркиядән китерелүче йөкләрне таможня аша уздыру, рәсмиләштерү бик озакка сузыла башлаган. Петербурдагы кайбер машина ширкәтләре 26 ноябьдән Төркиядән китерелүче бер генә йөкне дә таможня аша уздыра алмаган, гәрчә машина детальләре чикләүләр исемлегенә кертелмәгән. Мовчан Петербурдагы машина ясау ширкәтләрендә 8 меңләп кеше эшләвен һәмм аларның Русиядә чыгарылучы машиналарның чиреген җитештерүен дә искәртә.

Росатом Төркиядә атом электр станциясе төзүне туктаткан

Аккуйуда Төркиянең беренче атом электр станциясе төзелешен башлау тантанасында Төркия энергия министры Таир Йылдыз (с) һәм Росатом башлыгы Сергей Кириенко, 2015 елның 14 апреле
Аккуйуда Төркиянең беренче атом электр станциясе төзелешен башлау тантанасында Төркия энергия министры Таир Йылдыз (с) һәм Росатом башлыгы Сергей Кириенко, 2015 елның 14 апреле

Русиянең Росатом ширкәте Төркиядә атом электр станциясен төзү эшләрен туктаткан. Төркиядә Русия төзегән беренче атом станциясендә эшләрнең туктатылуы турында Төркия рәсмиләренә таянып Reuters агентлыгы хәбәр итә​. Дәүләт ширкәте булган Росатом 20 миллиард долларлык бу төзелеш килешүеннән чыкмаган һәм чыгарга да теләми, чөнки, рәсмиләр әйтүенчә, компенсация түләүләре бик зур булачак. Әмма Төркиянең бу төзелешкә инде башка төзүчеләр яллау мөмкинлеген өйрәнүе хәбәр ителә. 1200 мегаваттлы атом электр станциясен төзүгә Төркия Росатомны 2013 елда яллаган иде.

Дмитрий Медведев: "Су-24 очкычын бәреп төшерү – сугыш башлау өчен сәбәп иде"

Дмитрий Медведев
Дмитрий Медведев

Русия премьер-министры Дмитрий Медведев, "Россия-1" телевидениесендә журналистлар соравына җавап биреп, Су-24 очкычының бәреп төшерелүен Төркиягә каршы сугыш башлау өчен сәбәп дип атады. Аның әйтүенчә, төрек хакимиятләре сәбәп бирсә дә, Мәскәү симметрик җаваптан баш тарткан. Төркиягә чартер очышларын туктату турындагы сорауга җавап биреп Медведев: "Бу – чикләүләр түгел, бу – безнең дәүләтнең саклану реакциясе. ХХ гасырда дәүләтләр мондый хәлдә ничек эш иткәннәр? Сугыш башланган, чөнки бу туры һөҗүм. Аның әйтүенчә, бүгенге хәлдә сугыш иң яманы булыр иде. "Симметрик җавап бирмәскә карар ителде: президент аны эшләмәде, хакимиятләр аны эшләмәде, әмма аларга [төрекләргә] җавап булачагын күрсәтергә кирәк иде, диде Русия премьеры.

Төркия җавап чикләүләре кертү мөмкинлеген белдерә

Әхмәт Давутоглу
Әхмәт Давутоглу

Төркия премьер-министры Әхмәт Давутоглу хөкүмәтнең 7 декабрьдәге утырышында Русия чикләүләренә каршы чаралар турында сүз булганлыгын белдерде. Аның әйтүенчә, Анкара Мәскәү белән сөйләшүләргә әзер, әмма кирәк булган очракта җавап буларак Русиягә каршы үз чикләүләрен дә кертә ала. Давутоглу узган атнакичтә Төркиянең төп эшмәкәрләре белән очрашуда да шундыйрак белдерү ясаган иде. Әмма Төркиянең нинди чикләүләр кертү мөмкинлеге турында аның тәфсиллерәк мәгълүмат биргәне әлегә булмады.

Төркия тышкы эшләр министрлыгы Русия илчесен чакыртты

Босфор бугазында Русия хәрби корабындагы бер хәрбине күчмә зенит ракета комплексы күрсәтүдә гаепләгән Төркиядә тышкы эшләр министрлыгы Русия илчесен чакыртты. Бу турыда Reuters агентлыгы хәбәр итә.


6 декабрьдә Төркия киңкүләм мәгълүмат чараларында таралган фотода Истанбул яныннан узып барган Цезарь Куников корабында бер Русия хәрбиенең ракета комплексын күтәреп торуы сурәтләнә диелгән иде. Төркия тышкы эшләр министры Мәвлүт Чавушоглу Русия хәрбиенең бу гамәлен "провокация" дип атады.

дәвам

фикерләр (16)

бу форум ябык
XS
SM
MD
LG