Гадәттән тыш хәлләр министрлыгының иң соңгы мәгълүматына караганда, Ярославльдә газ шартлап бер йортның подъезды тулысынча җимерелгән. Нәтиҗәдә җиде кеше, алар арасында ике бала һәлак булган. Шартлау иртәнге 5 тулганда булган, газ шартлаган, дип фаразлана.
Җимерекләр астында калулары ихтимал кешеләрне эзләү дәвам итә. Йортны караучы коммуналь идарәгә карата җинаять эше ачылган.
