Башкортстан үзендәге Башнефть хиссәләрен сатырга җыенмый. Бу хакта чәршәмбедә республика башлыгы Рөстәм Хәмитов белдерде. Башнефть хиссәләрен республикага кире кайтару тарихи әһәмияткә ия, килгән дивидентлар халыкның социаль хәлен яхшыртуга юнәлтелә диде ул. Хәзерге вакытта республика Башнефтьнең 25% + бер хиссәсенә ия. Ширкәтне хосусыйлаштыру нияте турында берничә көн элек Русиянең икътисад үсеше министры Алексей Улюкаев әйткән иде.