Accessibility links

җомга, 26 май 2017, Казан вакыты 19:56

Нидерланд Европа белән Украина араларын якынайтуга каршы тавыш бирде


Украина тышкы эшләр министры Павло Климкин референдум алдыннан Амстердамда тавыш бирергә үгетләп йөрде, 3 апрель

Нидерландта Европа Берлеге белән Украина арасында мөнәсәбәтләрне киңәйтү референдумына кеше кирәгеннән азрак килде.

Нидерландта 6 апрель узган референдумның нәтиҗәләре кеше аз килүе сәбәпле танылмаска мөмкин. Украина белән Европа Берлеге арасында мөнәсәбәтләрне киңәйтүгә багышланган тавыш бирүгә халыкның 29% килде. Референдум танылсың өчен халыкның 30% катнашуы кирәк.

Экзит-пол мәгълүматларына караганда, референдумда катнашканнарның 64% Украина белән якынаюга каршы тавыш биргән, 36% хуплаган, дип хәбәр итә Рейтер.

Референдум кануни көчкә ия булмаса да, Нидерланд хөкүмәте карар кабул иткәндә халыкның фикерен исәпкә алачагын белдерде.

XS
SM
MD
LG