Башкортстанда эшкуарлар хокуклары вәкиле Рафаил Гыйбадуллин хакимиятнең элегрәк бирелгән вәгъдәләренә карамастан, эшмәкәрләргә савым сыерына караган кебек мөнәсәбәт үзгәрми дип белдерде. Моны ул бүген Дәүләт җыелышы - корылтай әгъзалары алдында чыгыш ясаганда әйтте. Тикшерү оешмаларының басымына зарланучы эшкуарлар 20 процентка арткан. Мөрәҗәгатьләрнең 63 проценты нигезсез җинаять эше ачу һәм рейдерлык турында.