Башкортстаннан Луһанскига һуманитар йөк алып баручылар моңарчы ак КАМАЗлар белән күпләп алып барылган һуманитар йөкләрнең халыкка эләкмәгәнлеген, сатуга таратылуын ачыклаган. Бу турыда Азатлыкка Башкортстан мәктәпләреннән җыелган һуманитар йөкне озата барган Тимерҗан Рәҗәпов сөйләде. Украин ягы ул ак КАМАЗларның Донбасстагы Русия яклы сепаратист көчләргә корал һәм сугыш-кирәк яраклары алып килүен, киткәндә Украинаның төбәктәге җитештерү ширкәтләренең җиһазларын Русиягә урлап алып китүен белдерә.