EgyptAir ширкәте очкычы һәлакәте урынын тикшергән белгечләр шартлау дәлилләрен тапкан. Бу хакта бүген тикшерүчеләр һәм мәхкәмә-медицина экспертиза чыганакларына нигезләнеп Мисыр мәгълүмат чаралары хәбәр итте.
Очкыч һавада ук җимерелгән булырга мөмкин. Тикшерү нәтиҗәләре әле игълан ителмәгән.
Egypt Air очкычы Париждан Каһирәгә кайтканда 19 май төнендә 2 сәгать 30 минутлар тирәсендә радарлардан юкка чыга. Очкычта 56 пассажир, алар арасында өч бала һәм 10 экипаж әгъзасы була.