Җәмәгать транспорты турындагы федераль канунның үзгәрүеннән соң Уфада ЮХИДИ хезмәткәрләре автобус йөртүчеләрне юлда туктатып тикшерә башлавы халыкта ризасызлык тудырды. Алар ЮХИДИнең автобус йөртүчене һәм автобусны тикшерүен көтеп торырга мәҗбүр. Нәтиҗәдә автобуслар хезмәте нык начарайды. Күп кенә автобусларның тиешле рөхсәтсез йөртелүе дә ачыкланган. Автобуслар җитешсезлеге һәм халыкны җәмәгать транспорты белән тәэмин итү мәсьәләсен карау өчен Башкортстанда махсус комиссия төзелде.