1 сентябрьдә Үзбәкстан бәйсезлек алуының 25 еллыгын бәйрәм итә. Бөтен чаралар бу юлы президентсыз гына уза. Ислам Кәримовның сәламәтлеге турында 28 августтан бирле бернинди рәсми мәгълүмат бирелми.
Кәримов Бәйсезлек көнендә Ташкентта чыгыш ясарга тиеш иде, ләкин концертны үткәрмәскә булдылар, ә башка бәйрәм чаралары алдан планлаштырылганча дәвам итә. 31 августта үзбәк дәүләт телевидениесе Кәримов исеменнән бәйрәм котлавын җиткерде.
