Кырымда узучы "Түгәрәк уен" фольклор фестивалендә катнашу өчен Ижаудан килгән “Асылъяр” балалар җыр бию ансамбле малайлары Азатлыкка үз ансамбльләрендә 40 кеше булуын, Кырымга шуларның 16сы килүен сөйләде. Алар башта Ижаудан Казанга 6 сәгать автобус белән килгән, аннан 2,5 сәгать Акмәчеткә очкан. Якшәмбе көнне кайтыр юлга чыгалар. Шул ук ансамбльнең кызлары Азатлыкка җырлап та күрсәтте.