5 декабрь көнне Кәрим Тинчурин исемендәге татар дәүләт драма һәм комедия театрында Татарстанның халык артисты, Кырымның атказанган сәнгать эшлеклесе Гөлзадә Сафиуллинаның иҗат кичәсе узды. Гөлзадә ханым әлеге кичә алдыннан Азатлыкка татарның киләчәк язмышы өчен нык борчылуын белдерде. Аның сүзләренчә, сәнгатьне һич кенә дә татар тормышыннан аерып карарга ярамый.