Башкортстанда халкы Яңа ел бәйрәменә әзерләнә. Бәйрәм табыны кору һәм бүләкләр сатып алу чыгымнары быел узган елгыдан шактый зуррак булачак. Шуңа да карамастан, алыш-биреш кайный. Күпләп сату базарларында бәрәңге, кәбестә, суган тонналап сатыла. Башкортстанныкы гына җитми, яшелчә читтән дә китерелә. Күпләп сатучы бер базардан гына да республика районнарына йөк машиналарында 600 тонна яшелчә һәм җиләк-җимеш тарала.