Уфада яшәүче бер төркем кеше шәһәр мэры Ирек Ялаловны вазифасыннан алуны сорап Башкортстан башлыгы Рөстәм Хәмитовка хат юллаган. Алар Уфа урамнарының юллардан чистартылмавына ризасызлык белдерә. Моннан тыш change.org сәхифәсендә “Мэрны Уфа юлларын чистартырга мәҗбүр итәргә” дип исемләнгән петициягә имзалар җыю дәвам итә. Петициягә инде 16 меңнән артык кеше кушылган. Анда да, юллар кардан чистартылмаса, шәһәр башлыгының эшеннән алынырга тиешлеге язылган.