29-31 мартта Уфада халык кәсепләре сәнгать күргәзмәсе эшли. Борынгы кәсепләрнең үзенчәлекләре, кул эшләре белән якыннан танышырга теләүчеләр быел бик күп. 2014 елда беренче күргәзмәдә 14 район катнашса, быел бу бәйрәмгә 45 район вәкилләре җыелды. Русиянең башка төбәкләреннән һәм БДБ илләреннән дә 150дән артык оста һәм халык иҗаты үзәге катнаша. Биредә корама корау, шәл бәйләү, милли музыка кораллары, курчак ясау, агач ую, киез басу кебек төрле милли һөнәрләр белән танышырга мөмкин. Шунда ук милли ризыклар да тәкъдим ителә.